प्रेस विज्ञप्ती
दोस्रो
नेपाल जुनीयर खुला लन टेनिस प्रतियोगिता
काठमाडौं कार्तिक २६ गते ।
नेपालमा लन टेनिस खेलको प्रारम्भ धेरै वर्ष अघि भएतापनि विगत ५ वर्षदेखि भनें यसको लोकप्रियतामा क्रमशः वृद्धि हुँदै गएको छ । हाल आएर यस खेल प्रति वयस्कहरु मात्र नभई बालबालिका र किशोर किशोरीहरुको पनि आकर्षण बढ्दै गएको पाइन्छ । जसको फलस्वरुप हाल ६ देखि १६ वर्षसम्मका करिब ६०० जना जुनीयर खेलाडीहरुले निरन्तर अभ्यास गरिरहेका छन् । अल नेपाल लन टेनिस संघलाई अन्तर्राष्ट्रिय टेनिस फेडरेसनबाट प्राप्त सहयोग रकमबाट करीब २५० जना जुनीयर खेलाडीहरु आफ्नो खेलको स्तर अभिवृद्धि गर्ने अवसर प्राप्त गरिरहेका छन् । हरेक १४ वर्ष मुनीका खेलाडीहरुले थाइल्यान्ड, भारत, बंगलादेश, भियतनाम, म्यानमार र मलेसियामा संचालन हुने क्षेत्रीय स्तरका प्रतियोगीताहरुमा सहभागीताका लागि छनौट हुने साथै अन्तरराष्ट्रिय स्तरको प्रशिक्षणको मौका पाउँदछन् । यसको फलस्वरुप हालेई सम्पन्न सत्रौ एसियन गेम्स मा १२ जना मध्य ८ जना जुनियर खेलाडिहरुले सहभागिता जनाएका थिए ।
खेलाडीहरुको मनोबल उकास्न र उनीहरुको क्षमता वृद्धि गर्न र अन्तर्राष्ट्रिय प्रतियोगिताका लागि समेत तयार पार्न अल नेपाल लन टेनिस संघले प्रत्येक वर्ष ४ देखि ५ वटासम्म जुनीयर टेनिस प्रतियोगिता संचालन गर्दै आएको छ । यही परिप्रेक्ष्यलाई मध्यनजर राखेर जुनीयर टेनिस खेलाडीका अभिभावकहरु जुनीयर खेलाडीको स्तरोन्नति गर्न र उनीहरुको सक्षमतालाई अझ उकास्न अग्रसर भएका छन् । उनीहरुको सक्रियतामा नेपालमा पहिलो पटक प्रथम नेपाल खुला जुनीयर लन टेनिस प्रतियोगिता गत वर्ष मंसिर १ गतेदेखि ८ गतेसम्म सफलता पूर्वक सम्पन्न भएको जानकारी गराउदछु । यसकै निरन्तरताको रुपमा दोस्रो नेपाल जुनीयर खुला लन टेनिस प्रतियोगिता यस वर्ष पनि मंसिर ९ गतेबाट १३ गतेसम्म हुने भएको छ ।
यसप्रकारको प्रतियोगिताको आयोजनाले जुनीयर खेलाडीहरुले आफ्नो खेल क्षमताको जाँच गर्ने र त्यसलाई अझ परिष्कृत गर्ने अवसर पाउने विश्वास गरिएको छ ।
दोस्रो
नेपाल जुनीयर खुला लन टेनिस प्रतियोगितामा ८ वर्ष मुनी, ९वर्ष मुनी, १० वर्ष मुनी, १२ वर्ष मुनी, १४ वर्ष मुनी, र १६ वर्ष मुनीका जुनीयर टेनिस खेलाडीहरुले विभिन्न प्रतिस्पर्धामा एकल र डबल खेलमा सहभागीता जनाउन सक्नेछन् । यी विभिन्न उमेर समुहका जुनीयर खेलाडीहरु बीच पुरुष र महिला तर्फ बेग्ला बेग्लै प्रतिस्पर्धामा खेल खेलाइनेछ । प्रतियोगितामा पहिलो, दोस्रो तथा सेमिफाइनलमा पुग्नेलाइ नगद पुरस्कार
साथमा ट्रफि र सहभागी सबैलाई प्रमाणपत्र प्रदान गरिनेछ । यस् प्रतियोगितको जम्मा कुल
नगद
पुरस्कार एक लाख पचास् हजार (१,५०,०००) रहनेछ । प्रतियोगितामा भाग लिनका लागि एकल खेलका लागि रु.२०० देखि रु.५०० र डबल खेलका लागि रु.६०० प्रवेश शुल्क कायम गरिएको छ । यी सबै प्रतियोगिताहरु ललितपुर सातदोबाटो स्थित अल नेपाल टेनिस संघको क्ले कोर्टमा यही मंसिर ९ गतेदेखि १३ गतेसम्म खेलाइनेछ । इच्छुक खेलाडीहरुले यही कार्तिक २९ र ३० गते भित्रमा आफ्नो नाम समावेश गराइसक्नु पर्नेछ ।
“प्रतियोगिता संचालनलाई सुव्यवस्थित गर्न एक संचालन समुहको व्यवस्थापन गरिनेछ । हामी चाहन्छौं यस प्रकारको प्रतियोगिताबाट हाम्रा जुनीयर टेनिस खेलाडीहरुलाई टेनिस खेल प्रति अझ चासो बढोस् र सरकारले पनि यस खेलको विकासमा ध्यान पुराओस् । अभिाभवकहरुको सक्रियतामा यस्तो प्रतियोगिता नेपालमा आयोजना
भएको यो नै पहिलो खेल हो । हामी आफ्ना बालबालिकाहरुले टेनिस खेलमा नाम, प्रतिष्ठा कमाएको र देशको शान बढाउनमा महत्वपूर्ण भूमिका निर्वाह गरेको हेर्न चाहन्छौ । आज विश्वमा टेनिस खेलको लोकप्रियता दिनानुदिन बढ्दो छ तर नेपालमा भनें यो अझै ओझेलमा नै छ, यसो हुनुको एकमात्र कारण यो खेल धनीमानीहरुको शौखिन खेल हो भन्ने भ्रम पनि एक हो ।”
हाल टेनिस संघसंग ६ वटा खेल मैदान रहेको छ र नेपालमा अन्तर्राष्ट्रिय स्तरको प्रतियोगिता पनि आयोजना गर्न सकिनेछ । नेपालमै त्यस्ता प्रतियोगिताहरु संचालन भएपछि यस खेल प्रति जन अभिरुची अझ बढ्ने विश्वास गर्न सकिन्छ ।
अजय विप्ट
अध्यक्ष
नेपाल जुनीयर खुला लन टेनिस प्रतियोगिता
